Çavuşoğlu: “Bergäläp bez barlıq kirtälärne ciñärbez”
Türkiyä Tışqı êşlär ministrı Mäwlüt Çavuşoğlu: "Bergäläp bez barlıq kirtälärne ciñärbez. Çönki berdämlektän köç tua"
Türkiyä Tışqı êşlär ministrı Mäwlüt Çavuşoğlu, irtägä Sämärqandta Törki däwlätlär oyışması sammitı cıyılışlarında qatnaşaçağın belderep: "Böten şuşı êşçänlegebez belän törki dönyanı kiläçäkkä äzerlibez. Bergäläp bez barlıq kirtälärne ciñärbez. Çönki berdämlektän köç tua”, - dide.
Mäwlüt Çavuşoğlu Qazaqstanda Türkiyäneñ Çimkänt maqtawlı baş konsullığın açu tantanasında çığış yasadı.
Çavuşoğlu, dönyanıñ törle awırlıqlardan uzuın, Ukraina-Rusiyä suğışınıñ däwam itüen belderep: "Törki dönya bularaq bez bu waqıyğalarğa bitaraf bula almıybız”, - dip äytte.
Törki şura Törki däwlätlär oyışmasına äylängän uzğan yılğı İstanbul sammitınıñ törki dönyanıñ berlege-berdämlege cähätennän "möhim êtap" buluına basım yasawçı Çavuşoğlu irtägä Üzbäkstannıñ Sämärqand şähärendä Törki däwlätlär oyışması sammitı cıyılışlarında qatnaşaçaqların citkerde.
Çavuşoğlu: ""Böten şuşı êşçänlegebez belän törki dönyanı kiläçäkkä äzerlibez. Bergäläp bez barlıq kirtälärne ciñärbez. Çönki berdämlektän köç tua”, - dip äytte.
Bügen Türkiyäneñ dönyada 256 wäkilçelegeneñ buluına iğ’tibarnı yünältüçe Çavuşoğlu tizdän bu sannıñ 257gä citäçägen iskärtep uzdı.
Tışqı êşlär ministrı xäzerge waqıtta böten dönyada Türkiyäneñ 108 maqtawlı konsullığınıñ buluın da äytep uzdı.
Açılışın yasağan Çimkänt maqtawlı baş konsullığınıñ ike il xalıqları arasındağı bağlanışlarnı köçäytäçägenä basım yasawçı Çavuşoğlu baş konsullıqnıñ Türkiyä häm Qazaqstan watandaşlarına xezmät itäçägen belderde.