Altun: "Bez Azärbaycan däğwasınıñ awazı bulırğa däwam itäçäkbez"
Türkiyä İlbaşı idaräseneñ êlemtä başlığı Fahrettin Altun: "Törki dönya bularaq berdämlek ruxı belän Azärbaycan däğwasınıñ awazı bulırğa däwam itäçäkbez”, - dide
Fahrettin Altun Azärbaycan İlbaşı kiñäşçese Xikmät Xacıyıv qatnaşuında Türkiyä başqalası Änkarada İlbaşı idaräseneñ êlemtä räislege konferenśiya zalında oyıştırılğan "Qarabax ciñüe konferenśiyası: Azatlıqqa qawışqan borınğı watan" programmasında qatnaştı.
Biredäge çığışında Qarabax ciñüeneñ yıllığında oçraşudan häm konferenśiyanı qabul itüdän bik ğorurlanuların häm şat buluların iskärtep uzuçı Altun: "Bez bik şat, bügen Qarabax ciñüeneñ 2 yıllığın abruylı räweştä qotlıybız. Qardäş Azärbaycannıñ ärmän okkupaśiyası astındağı cirlären azat itü öçen alıp barğan azatlıq köräşe tarixqa altın xäreflär belän yazılğan qotlı ciñü belän tögällände," – dip äytte.
Türkiyäneñ Azärbaycannı İkençe Qarabax suğışında yalğız qaldırmawın citkerüçe Altun İlbaşı Räcäp Tayyip Ärdoğan häm Azärbaycan Däwlät başlığı İlham Äliyıv liderlığında "ike däwlät, ber millät" şiğare belän iñgä-iñ torıluına basım yasadı.
Altun, Qarabax ciñüeneñ Azärbaycan häm Türkiyä belän bergä böten törki dönya qardäşlegeneñ bilgeläre arasındağı urının aluın belderep, Qarabax ciñüen alıp kitergän köräş barışında säyäsi, xärbi häm cämğiyävi yaqlaw belän bergä informaśiya mäs’äläsendä dä citdi xezmättäşlek urnaştırıluına iğ’tibarnı yünältte.
Fahrettin Altun:
"Azärbaycannıñ 28 yıl buyı alıp barğan xaqlı köräş häm qazanğan ciñü bastırılırğa tırışıla häm Qarabax xalqı duçar bulğan zolımnar sanğa suğılmıy. Bu wazğıyät Qarabaxta ciñügä ireşkän bulsaq ta informaśiya ölkäsendä êşebezneñ äle haman betmäwen kürsätä.
Bez böten törki dönya bularaq berdämlek ruxı belän Azärbaycan däğwasınıñ awazı bulırğa däwam itäçäkbez. Bu dezinformaśiyälärğä, yamanlaw kampaniyalarına röxsät itmäyäçäkbez. Azärbaycannıñ xaqlı ciñüenä külägä töşertmäyäçäkbez”, - dip belderde.
