Stoltenberg tizdän Ärdoğan belän oçraşaçağın äytte

NATO Ğomum särqatibe Yens Stoltenberg tizdän Türkiyägä kilep ilbaşı Räcäp Tayyip Ärdoğan belän oçraşaçağın äytte. Ul Rumıniyä xökümäte räise Nikolae Çuka belän söyläşkännän soñ matbuğat oçraşuı ütkärde.

Stoltenberg ber sorawğa cawap birep Ukrainadağı suğışnıñ qayçanğa qadär däwam itäçäge turında spekulyaśiyä yasamayaçağın äytte. “Niqadär däwam itsä dä, bez Ukrainanı yaqlarğa äzer,”-dide ul.

Stoltenberg bolay däwam itte: “Ukrainanıñ söyläşülär östäle artında nilärgä ireşä aluınıñ tulısınça suğış qırındağı köçkä bäyle buluın beläbez. Şuña kürä xärbi yaqtan yärdäm itep söyläşülär öçen alarğa köç birüebez kiräk häm NATO berlektäşläre näq’ menä şunı başqara”.

Şveśiyä häm Finlyandiyäneñ NATOğa kerüe belän bäyle sorawğa Stoltenberg bolay dip cawap birde: “Min Şveśiyä belän Türkiyäneñ urtaq memorandum öçen bergä êşläwen xuplıym”.

NATO citäkçese Şveśiyä xökümäte räise Ul’f Kristersson ilbaşı Ärdoğan belän küreşäçägen xäterlätte häm tizdän üzeneñ dä Türkiyägä baraçağın äytte.

Stoltenberg Şveśiyä belän Finlyandiyäneñ äğ’zalığınıñ 30 il qatnaşındağı parlamentta qabul iteläçägenä ışanuın belderde.