Türkiyä kiläse yılğa 60 millionğa yaqın turist kötä

Türkiyäneñ 2023nçe yılda turizmnan kötüleçe kereme 50 milliard dollar, kilüçe sanı 58 million 800 meñ bularaq bilgelände. Älege kürsätkeçlär İlbaşı apparatınıñ Räsmi Gazetta çıqqan 2023nçe yılğı programmasında urın aldı.

Programmada törle turizm tarmaqlarında tormışqa aşırıluçı çara, tanıtu häm turizm kürsätkeçläre belän bäyle mäğ’lümatlar birelä, kiläse yılğa qarawçı maqsat häm burıçlar sanap çığıla. Aña qarağanda, qullanuçılar tendenśiyäse üzgärü belän texnologik üseşkä turı kiterep turizmnıñ törleländerelüe häm üsterelüe, sezonnarnıñ ozaytıluı, xezmät sıyfatınıñ arttırıluı häm tağın da kübräk aqça sarıf itärdäy turistlarnı Türkiyägä tartu maqsat itep quyıla.

Turizmnan keremneñ bıyıl axırında 41 milliard dollardan artuı kötelä, ä kiläse yılğa isä ul 50 milliard dollar bularaq bilgelänä. Kilüçelärneñ dä 60 millionğa yaqınlaşuın kötälär.

Yıllıq programma qısalarında, Qıtay, Hindstan, Yaponiyä häm Kön’yaq Koreyanı da kertep Yıraq Könçığış bazarınnan kilüçe sanın kübäytü öçen tur operatorları belän reklama kampaniyäläre häm tanıtu êşçänleläre alıp barılaçaq.