İstanbul aêroportlarında yulçılar sanı arttı

İstanbuldağı aêroportlar 9 ayda yulçı sanın 27,5 millionğa arttırdı. Alar aşa bıyılnıñ ğıynvarınnan sentyabrenä qadärge çorında tulayım 70 million 124 meñ 741 keşe säyäxät itkän. İstanbul häm Sabiha Gökçän aêroportlarında bu çorda yulçı sanında, uzğan yıl belän çağıştırğanda, ähämiyätle üseş terkälde.

Däwlät hawa mäydannarı idaräseneñ internet säxifäsendäge mäğ’lümatlarına qarağanda, İstanbul aêroportın bıyılnıñ ğıynvar-sentyabr’ çorında 47 million 571 meñ 888 keşe qullanğan. Yulçı sanı, uzğan yılnıñ şul uq çorı belän çağıştırğanda, êçke reyslarda - 62%qa, xalıqara säfärlärdä 102%qa artqan.  

Sabiha Gökçän aêroportın isä ağımdağı yılnıñ ğıynvarınnan sentyabrenä qadär 22 million 552 meñ 853 keşe qullanğan. Yulçı sanı êçke reyslarda 5%qa kimegän, xalıqara säfärlärdä isä 98%qa kübäygän.  

Bıyılnıñ 9 ayında yulçı sanı belän bergä İstanbul aêroportlarındağı oçışlar da arta bara. İstanbul aêroportındağı reyslar sanı, uzğan yılğa qarağanda, yaqınça 63%qa kübäyde häm 313 meñ 778 täşkil itte.

Sabiha Gökçän aêroportında isä 9 aylıq çorda 148 meñ 724 säfär buldı.  

Atatörek aêroportında bu çorda 20 meñ 825 reys başqarıldı.