Çavuşoğlu: “Global’ totrıqlılıq häm mullıq öçen törki dönyanıñ ähämiyäte tağın da arttı”
Çavuşoğlu: "Töbägebezne totrıqlılıq utrawına äyländerüneñ häm millätebezneñ mullığın arttırunıñ yulı berdämlegebezne köçäytügä bäyle"
Türkiyä Tışqı êşlär ministrı Mäwlüt Çavuşoğlu Törki däwlätlär oyışmasınıñ tışqı êşlär ministrları şurasınıñ çirattan tış cıyılışında: "Töbägebezne totrıqlılıq utrawına äyländerüneñ häm millätebezneñ mullığın arttırunıñ yulı berdämlegebezne köçäytügä bäyle”, - dip äytte.
Çavuşoğlu İstanbul Dolmabahçä İlbaşı idaräseneñ êş ofisında oyıştırılğan Törki däwlätlär oyışması tışqı êşlär ministrları şurasınıñ çirattän tış cıyılışın açu tantanasında çığış yasadı.
İstanbulda 11 ay êlek tarixi adım yasap, "ğailä mäclesen” xalıqara oyışmağa äyländerülären iskärtep uzuçı Çavuşoğlu, törki dönyanıñ potenśialın tormışqa aşırıp, korporativ strukturağa qawışuların äytte.
Ministr Çavuşoğlu: "Bügen törki dönya näq’ tarixta bulğanı kebek global’ geopolitikasnıñ üzägenä äylände. Bez ênergetika, säwdä, transport yünäleşlärendä könçığış belän könbatışnı, tön’yaq belän kön’yaqnı ber-bersenä totaştıruçı kritik wazğıyätkä iyä. Dön’ya uzğan şuşı awır çorda global’ totrıqlılıq häm mullıq öçen törki dönyanıñ ähämiyäte tağın da arttı," – dip belderde.
“Kovid-19” kizüeneñ yaraları äle betmi torıp bu yulı Ukrainadağı suğışnıñ yoğıntıları belän tetränülären häm suğış belän sınawların citkerüçe Çavuşoğlu global’ totrıqlılıqnıñ häm mullıqnıñ qurqınıç astında buluına, artqan ênergiya häm azıq-tölek bäyäläreneñ böten dönyağa yanawına basım yasadı.
Çavuşoğlu, törki dönya bularaq şuşı täräqqıyätlärdän turıdan-turı täêsirlänülären belderep:
"Bügen şuşı täräqqıyätlärne tikşerep, yasıy alaçaq urtaq adımnarıbıznı bäyäläyäçäkbez. Tirä-yağıbızdağı krizislarnı totqarlaw öçen êşlägän çaqta ber ük waqıtta kiläçäkkä qağılışlı köçle vizion bilgeläwebez şart. Töbägebezne totrıqlılıq utrawına äyländerüneñ häm millätebezneñ mullığın arttırunıñ yulı berlegebezne köçäytüdän uza. Berlegebezne köçäytüneñ yulı isä döres waqıtta döres adımnı qıyulıq belän yasudan uza”, - dip äytte.
Sämärqadtta kiläse ayda Törki däwlätlär oyışması sammitında cıyılaçaqların da iskärtep uzuçı Çavuşoğlu bu yuğarı däräcäle oçraşu belän çirattağı räislekne Üzbäkstanğa tapşıraçaqların belderde.
