Dön'ya Türkiyeneñ qayğısın urtaqlaşa

Bartınnıñ Amasra ilçäsendä şaxtadağı şartlawğa bäyle dön’yanıñ törle poçmaqlarınnan Türkiyegä qayğınamälär kilä.

BMO ğomum särqätibe Antoniu Guterreşnıñ bu xaqtağı belderüendä şaxtadağı şartlawda küp sanda keşeneñ ğomeren yuğaltuına tirän qayğı citkerelde.

Ul faciğada ğomeren yuğaltuçılarnıñ ğailäläreneñ , Türkiye xalqınıñ qayğısın urtaqlaştı häm cäräxätlär alğan keşelärgä şifalar teläde.

Qırğızstan ilbaşı Sadır Caparov Türkiye ilbaşı Ärdoğanğa qayğınamä cibärde häm Qırğızstan xalqı isemennän Türkiyeneñ qayğısın urtaqlaştı.

AQŞ däwlät särqätibe Êntoni Blinken “Bartında şaxta faciğasındağı yuğaltular bezne tetränderde. Şartlaw näticäsendä ğomerlären yuğaltuçılarnıñ yaqınnarınıñ olı qayğısın urtaqlaşabız. Yaralanğan keşelärgä şifalar telibez” dip yazdı üzeneñ Twitter akkauntındağı qayğınamäsendä.

Bartında şaxtadağı şartlaw uñayınnan ilneñ qayğısın urtaqlaşuçılar arasında Finlyandiya, Şveśiya,İtaliya tışqı êşlär ministrlıqları da bar.

Ärmänstan häm Üzbäkstan tışqı êşlär ministrları Bartındağı şaxtada bulğan şartlawda küp sanda keşeneñ ğomeren yuğaltuı nisbätennän qayğı urtaqlaştılar, yaralanğan keşeläneñ tiz arada sawığuların telädelär.

İran tışqı êşlär ministrlığı süzçese, Taliban waqıtlıça xökümäteneñ tışqı êşlär ministrlığı süzçese dä Türkiyenen olı qayğısın urtaqlaştlar.

Greśiya saqlanu ministrı Türkiye milli saqlanu ministrına qayğınamä cibärep ilneñ qayğısın urtaqlaştı.

Bartınnıñ Amasra rayonındağı şaxtada bulğan faciğada 41 keşeneñ ğomere özelde.