Türkiye - Qazaqstan mönäsäbätläreneñ 30 yıllığı uñayınnan urtaq belderge
16 maddädän torğan beldergedä ike il arasındağı urtaq êşçänleklärneñ şaqtıy ölkädä köçäyteläçäge äytelde
Qazaqstan başqalası Astanadağı Akorda ilbaşı sarayında Türkiye ilbaşı Räcäp Tayyip Ärdoğan häm Qazaqstan ilbaşı Qasıym Cumart Toqayev citäkçelegendä kiçä uzğan söyläşülärdän soñ Türkiye - Qazaqstan mönäsäbätläreneñ 30 yıllığı uñayınnan urtaq belderge äzerlände.
16 maddädän torğan beldergedä ike il arasındağı urtaq êşçänleklärneñ şaqtıy ölkädä köçäyteläçäge äytelde.
Transport ölkäsendä Trans-Xäzär marşrutı häm Baqı-Tbilisi –Kars marşrutın näticäle qullanu öçen koordinaśiyäle êşçänleklärneñ köçäyteläçäge assızıqlandı, şulay uq terrorçılıqqa qarşı köräşkä dä basım yasaldı.
“İke ilneñ milli qurqınıçsızlığına yanawçı, qurqınıç tudıruçı barlıq strukturalarğa qarşı köräşne köçäytü qararına kilende” diyelä beldergedä.
Beldergedä saqlanu sänäğäte, mäğarif, äylänä - tirä moxitne saqlaw häm urman xucalığı ölkälärendä bergä êşläw mömkinleklären arttıru öçen kileşü täêmin itelüe, xalıqara oyşmalarda üzara xezmättäşlekneñ däwam itäçäge citkerelde.
