İlbaşı Ärdoğannıñ Astana sammitındağı çığışı häm oçraşuları

Aziyädä xezmättäşlek häm ışanıç arttıruçı çaralar konferenśiyasınıñ 6nçı sammitı Qazaqstan başqalası Astanada oyıştırıldı.

Bäysezlek sarayında Qazaqstan İlbaşı Qasıym Cumart Toqayıv räislegendä başlanğan sammitnıñ açılış utırışında Türkiyä İlbaşı  Ärdoğan çığış yasadı.

Dön’yada tigezleklär üzgärgän, şaqtıy ölkädä citdi imtixannar belän oçraşılğan çordan uzıluın äytüçe Ärdoğan, moña İslamofobiya häm ksenofobiya kebek yanawlarnıñ da östälüenä basım yasap: "Dön’ya xalıq sanınıñ küpçelek öleşen sanğa suqmawçı ber uç azçılıqnıñ bäxeten qayğırtuçı qorılış tağın da ğadel yaña añlayış belän şäkelländerelergä tiyış”, - dip äytte.

Terror oyışmalarına yärdäm itüçe, propaganda häm oyışmağa äğ’za äzerläw êşçänlegendä qatnaşqan törkemnärneñ bernindi ayırmasız totqarlanıluınıñ zarurlığın belderüçe Ärdoğan Äfğanstanda humanitar tınıçlıqnıñ urnaştırıluı häm artqan terror êşçänlegeneñ totqarlanıluınıñ bik zur ähämiyätkä iyä buluın iskärtep uzdı. Türkiyä Däwlät başlığı sammitta qatnaşuçılarnı Äfğanstanğa yärdämne däwam itterergä çaqırdı.

İlbaşı Ärdoğan: "Türkiyä bularaq mul’timodal’ transport koridorların täşvik itäbez, Aziyä belän Awrupanı ber-bersenä totaştıruçı modern Yefäk yulınıñ canlandırıluın yaqlıybız”, - dip belderde.

Şul uq waqıtta Ärdoğan Qazaqstan oçraşuları qısalarında Üzbäkstan İlbaşı Şäwkät Mirziyayıv, Belarus Däwlät başlığı Aleksandr Lukaşenko häm V’etnam Sośialist Cömhüriyäte Däwlät başlığı urınbasarı Vo Thi Anh Xuan belän ayırım ayırım küreşep söyläşte.