Qalın: “Diplomatiya işege açıq bulırğa tiyış”

Türkiyä İlbaşı idaräse süzçese İbrahim Qalın 24nçe fevral’dä başlanğan Rusiyä-Ukraina suğışı belän bäyle bularaq: "Xäzerge waqıtta yäşängän annekśiya häm annan soñ artqan qırıslıqqa qaramastan bez äle dä diplomatiya işegeneñ açıq buluınıñ zarurlığın uylıybız”, - dip äytte.

Şäxsi televizion kanalınıñ turıdan-turı êfirında qatnaşqan İbrahim Qalın "İlbaşı Räcäp Tayyip Ärdoğannıñ (Qazaqstan başqalası) Astanada Rusiyä Däwlät başlığı Vladimir Putin belän oçraşuı bulaçaqmı?" sorawına Ärdoğan irtägä Putin belän küreşep söyläşäçäk, dip cawap birde.

"İstanbulda Putin belän Ukraina İlbaşı Volodimir Zelenskiyne oçraştıru Astanada söyläşeläçäkme?" digän sorawğa isä Qalın: " Xäzerge waqıtta yäşängän annekśiya häm annan soñ artqan qırıslıqqa qaramastan bez äle dä diplomatiya işegeneñ açıq buluınıñ zarurlığın uylıybız. Bu yünäleştä ike yaqqa da täq’dim yasıybız”, - dip cawap birde.

Rusiyä-Ukraina suğışınıñ ike yağınıñ buluın belderüçe İbrahim Qalın: "Berençe yağı, Ukraina cirlärendä yäşängän okkupaśiya häm anneksiya. Bolarnıñ betüe, bäreleşlärneñ tuqtatıluı kiräk. Monda şöbxä yuq. Monıñ yulı da tağın da kübräk suğış tügel, ä söyläşülär, diplomatiya”, - dip äytte.

Suğışnıñ ikençe yağınıñ isä tağın da kiñ geopolitik nigezdä tormışqa aşuın iskärtep uzuçı Qalın: "Biredä dä Rusiyä belän Könbatış arasında üzgä ber xisaplaşu, qarşılıqlar, konfrontaśiya bar”, - dip äytte.