Çavuşoğlu: “Çit ildä yäşäwçe töreklärneñ tağın da kübräk oyışqan buluı zarur”
Türkiyä Tışqı êşlär ministrı Mäwlüt Çavuşoğlu Awrupadağı töreklärneñ watandaşlıq aluı häm saylawçı bularaq terkälüeneñ möhim buluın äytte
Mäwlüt Çavuşoğlu Awrupa Şurasınıñ parlamentariylär assambleyası başlıqları cıyılışında qatnaşu öçen kitkän Strasburgtağı Türkiyä baş konsullığında watandaşlar belän oçraştı.
Çit ildä yäşäwçe töreklärneñ tağın da kübräk oyışqan buluınıñ zarurlığına basım yasawçı Çavuşoğlu:
"Türkiyä turında süz barğan çaqta bu berlekne tağın da kübräk kürsätüebez kiräk. Amerika Quşma Ştatlarında Törek-amerikan yünäleş komitetın tözedek. Ärmän diasporasınıñ ilebezgä yala yağularına qarşı bik êffektiv êşçänlekkä başladılar. Awrupada da bu oyışmanı köçäytü öçen qulıbızdan kilgänne yasayaçaqbız. 800 meñ keşebez yäşäwçe Franśiyada säyäsättä tağın da täêsirle bula alabız. Biredä dä ärmän diasporası bar häm qızğanıç bu ärmän diasporasınıñ ber öleşe yaxşı niyätle tügel. Türkiyä belän Ärmänstan, Ärmänstan belän Azärbaycan arasındağı normalläşügä dä alar qarşı. Yaxşı mönäsäbätlär urnaştırıluğa qarşı, doşmança totışta bulğan diaspora turında äytäm. Sezneñ dä şuşı diasporağa qarşı tağın da oyışqan räweştä tawışnı yañğıratuığıznı kötäbez”, - dip belderde.
Çavuşoğlu, Awrupadağı töreklärneñ watandaşlıq aluı häm saylawçı bularaq terkälüeneñ möhim buluın da iskärtep uzdı.
