"Rusiya belän Ukraina arasında daimi tınıçlıq öçen tırışlıqlarıbız däwam itäçäk"

Bu xaqta Türkiye BöyeK Millät Mäclese başlığı Mostafa Şäntop belderde

1889255
"Rusiya belän Ukraina arasında daimi tınıçlıq öçen tırışlıqlarıbız däwam itäçäk"

Türkiye BöyeK Millät Mäclese başlığı Mostafa Şäntop G-20 parlament başlıqları sammitı öçen kitkän İndoneziyädä Ukraina parlament başlığı urınbasarı Olena Kondratyuknı qabul itte.

Şäntop Kondratyukka Rusiyäneñ Ukrainanıñ qayber töbäklären annekśiyäläw qararına borçıluların häm monı qabul itep bulmawın belderde.

Mostafa Şäntop äytüençä, bu xäl Rusiya belän Ukraina arasındağı tınıçlıq urnaştıru tırışlıqların qatlawlandırdı.

Türkiye Böyek Millät Mäclese başlığı şulay uq aşlıq krizisınıñ Türkiye tırışlığı belän çişelüen iskärtte, bu yünäleştäge iniśiativalarnı däwam itüneñ möhimlegenä basım yasadı.

Şäntop Rusiya belän Ukraina arasında daimi tınıçlıq öçen tırışuların däwam itäçäklären assızıqladı.

Ukraina parlament başlığı urınbasarı Olena Kondratyuk Türkiyegä küp ölkälärdäge, ayıruça totqınnar almaşudağı yärdäme öçen räxmät äytte.



Bäyläneşle xäbärlär