İlbaşı Ärdoğan Çexiyağa kitte

Türkiyä İlbaşı Räcäp Tayyip Ärdoğan Awrupa säyäsät cämğıyäte cıyılışında qatnaşu öçen Çexiya başqalası Prahağa (Pragaga) kitte

1889213
İlbaşı Ärdoğan Çexiyağa kitte

İlbaşı Ärdoğan 27 Awrupa Berlege ile belän bergä Awrupa Berlege äğ’zase bulmağan 17 Awrupa ile çaqırılğan çarada "tınıçlıq häm iminlek” temalı tügäräk östäl cıyılışlarında qatnaşaçaq, tınıçlıq häm iminlek, ênergetika, klimat häm iq’tisad torışı cähätennänAwrupa aldındağı sınawlarğa qağılışlı Türkiyäneñ qaraşların, öleşen häm bäyäläwlären citkeräçäk..  

Tışqı êşlär ministrı Mäwlüt Çavuşoğlu da ozatıp yörüçe Ärdoğannıñ qayber liderlar belän ike yaqlı söyläşülär ütkärüe dä küzdä totıla.

Awrupa säyäsät cämğıyäte fikere täwge tapqır Franśiya İlbaşı Makron tarafınnan may ayında belderelgän ide.

Cıyılışnıñ Awrupa Berlegeneñ ar’yağında häm Awrupa külämendä säyäsi bäxäs platforması buluı telänä. Awrupa Berlege citäkçelege dä bu fikerne yaqlıy.



Bäyläneşle xäbärlär