İlbaşı Ärdoğan Çexiyada
Türkiyä İlbaşı Räcäp Tayyip Ärdoğan Çexiya başqalası Pragada (Prahada) oyıştırılğan Awrupa säyäsät cämğıyäte cıyılışı aldınnan liderlar belän oçraştı
Cıyılış ütkäreläçäk Praga qal’ğasına barğan İlbaşı Ärdoğan föyedä Azärbaycan Däwlät başlığı İlham Äliyıv häm Ärmänstan Baş ministrı Nikol Paşinyan belän qısqa äñgämä qorıp cibärde.
Ärdoğan Vengriya (Macarstan) Baş ministrı Viktor Orban häm Franśiya İlbaşı Êmmanuêl’ Makron belän dä söyläşep aldı.
Ärdoğan Törki däwlätlär oyışması belän bäyle äñgämä waqıtında Makronğa: “Sine dä alıyq”, - dide.
İlbaşı Ärdoğan annan soñ liderlar belän ğailä fotosürätenä töşte.
İlbaşı Ärdoğan 27 Awrupa Berlege ile belän bergä Awrupa Berlege äğ’zase bulmağan 17 Awrupa ile çaqırılğan çarada "tınıçlıq häm iminlek” temalı tügäräk östäl cıyılışlarında qatnaşaçaq, tınıçlıq häm iminlek, ênergetika, klimat häm iq’tisad torışı cähätennänAwrupa aldındağı sınawlarğa qağılışlı Türkiyäneñ qaraşların, öleşen häm bäyäläwlären citkeräçäk.
Awrupa säyäsät cämğıyäte fikere täwge tapqır Franśiya İlbaşı Makron tarafınnan may ayında belderelgän ide.
Cıyılışnıñ Awrupa Berlegeneñ ar’yağında häm Awrupa külämendä säyäsi bäxäs platforması buluı telänä. Awrupa Berlege citäkçelege dä bu fikerne yaqlıy.
