Ärdoğan - Putin söyläşüe uzdı

Türkiye ilbaşı Räcäp Tayyip Ärdoğan Rusiyä däwlät başlığı Vladimir Putin belän telefonnan söyläşte

1886532
Ärdoğan - Putin söyläşüe uzdı

İlbaşı idaräseneñ Êlemtä räislegennän yasalğan açıqlawğa kürä söyläşüdä Rusiyä-Ukraina suğışı belän bäyle soñğı täraqqıyät’lär quzğatıldı.

Ärdoğan söyläşüdä Rusiyä belän Ukraina arasında äsirlär belän almaşunıñ uñışlı räweştä näticälänüe häm aşlıq koridorı öçen tözelgän İstanbul kileşüeneñ çınğa aşırıluınnan qanäğat’ buluın açıqladı.

Türkiyä prezidentı Rusiyä aşlaması häm aşlıq produktlarınıñ özleksez êksportı mäs’äläsendä dä êşçänlek başqarırğa däwam itülären citkerde.

Ärdoğan tağın da uñay täraqqıyät’lär öçen kiyerenkelekne töşerügä qarağan adımnarğa ixtıyac buluın, Mäskäw citäkçelegennän dä Ukrainadağı qayber töbäklärneñ Rusiyägä quşıluı mäs’äläse belän ber rättän bu barışnı qulaylaştıraçaq adımnar yasawın kötülären äytte.

Rusiyä däwlät başlığı Vladimir Putinnan söyläşülärgä tağın ber şans birüen sorağan Türkiye ilbaşı Räcäp Tayyip Ärdoğan bu barışta qulaylaştıruçı rol’ uynarğa äzer buluların belderde.

Kreml’dan söyläşü belän bäyle yasalğan açıqlawda isä ike il arasındağı säwdä häm iqtisadi bäyläneşlärneñ tizlek belän üsüe, säwdä külämeneñ möhim ülçämdä artuı citkerelde.



Bäyläneşle xäbärlär