Türkiyä parlamentı başlığı Vengriyada oçraşular ütkärä

Törkiyä Böyık Millät Mäclese başlığı Mostafa Şäntop Vengriyadağı Törek şähitläre ziratına bardı

1886138
Türkiyä parlamentı başlığı Vengriyada oçraşular ütkärä

Räsmi säfär qısalarında başqala Budapeştta bulğan Mostafa Şäntop, biredäge Törek şähitläre ziratına barıp, 1nçe Bötendönya suğışı Galiç’ya frontı şähitläre häykälenä çäçäk bäylämnären saldı.

Ber minutlıq tın alu häm Türkiyä belän Vengriya (Macarstan) gimnnarı yañğırağannan soñ Şäntop ğaskärilärneñ kaberlärenä qanäfer häm roza çäçäklären salıp, doğa qıldı, şähitlär ziratı däftären imzaladı.

Mostafa Şäntop soñınnan Vengriya (Macarstan) Milli mäcles başlığı Laszlo Köver belän küreşte.

Milli mäcles binasında uzdırılğan söyläşüdän soñ Şäntop häm Köver urtaq matbuğat oçraşuın oyıştırdı.

Söyläşü waqıtında ike il arasındağı häm parlamentlarara mönäsäbätlärne bäyäläwlären belderüçe Şäntop: "Türkiyä häm Vengriya (Macarstan) arasında xökümätlärara iskitkeç säyäsi, iq’tisadi häm säwdä barışı bar”, - dip äytte.

Şäntop, Rusiyä-Ukraina suğışı arqasında töbäktä ênergetika häm migraśiya ölkäsendä krizis yäşänüenä basım yasap, wazıyfadaşı Köver belän şuşı mäs’älälärne dä quzğatuların belderde.

Türkiyä häm Vengriyanıñ (Macarstannıñ) regional’ häm global’ problemalarğa oxşaş qaraşqa iyä buluın citkerüçe Şäntop Vengriyanıñ (Macarstannıñ) Türkiyäneñ Awrupa Berlegenä äğ’za buluı öçen kürsätkän yaqlawı öçen räxmätlären äytep uzdı.

Türkiyäneñ berençe duslıq kileşüen 1923nçe yılnıñ 18nçe dekabr’ könne Vengriya (Macarstan) belän imzalawına iğ’tibarnı yünältüçe Şäntop monıñ 100 yıllığı mönäsäbäte belän 2024nçe yılnıñ Törek-vengr mädäniyät yılı dip iğ’lan itüen äytte.

Laszlo Köver isä ike il arasındağı mönäsäbätlärneñ bik yaxşı buluın, säwdädä uzğan yılda rekord quyıluın belderde.

Köver Vengriya (Macarstan) bularaq Türkiyäneñ migrant mäs’äläse häm ênergiya qurqınıçsızlığı ölkäsendä yasağan adımnarnı yaqlawların äytte.

Türkiyäneñ Rusiyä-Ukraina suğışındağı aradaşçılığı belän (aşlıq koridorınıñ buldırıluın täêmin itep) buluı mömkin humanitar fäläqatkä säbäp bula alaçaq azıq-tölek krizisınıñ totqarlanuına basım yasawçı Laszlo Köver ayıruça Türkiyäneñ Awrupa Berlege äğ’zalegen yaqlawların da iskärtep uzdı.



Bäyläneşle xäbärlär