"NATOda Türkiyä belän Greśiyäne çağıştırıp bulmıy"

Ärdoğan AQŞnıñ Êgey diñgezendäge utrawlarnı qorallandırıp greklarğa yalğış yul kürsätüen tänqıyt’läde

1886047
"NATOda Türkiyä belän Greśiyäne çağıştırıp bulmıy"

Türkiyä ilbaşı Räcäp Tayyip Ärdoğan AQŞnıñ Greśiyäne yalğış yünländerüen tänqıyt’läde. Ul kiçä kiç qayber telekanallarda könüzäk mäs’älälär turında söyläde.

Ärdoğan Êgey diñgezendäge utrawlarğa Amerikanıñ bronetexnika cibärüenä qarşı çıqtı häm AQŞnıñ NATOda bergä bulğan däwlätlär arasında ğadel bulmawın assızıqladı.

“Greśiyä dä, Türkiyä dä NATOda. Bez NATOda berençe bişlekkä keräbez. Kertkän öleşebez belän dä, qorı cir ğaskärlärebez belän dä ähämiyätle urın alıp torabız. NATOda Türkiyä belän Greśiyäne çağıştırıp bulmıy. AQŞnıñ utrawlarğa bu qadär küp qoral, texnika häm kiräk-yaraq cibärüe qabul itelä torğan xäl tügel,”-dip söyläde Ärdoğan. Ul Amerikanıñ Greśiyäne yalğış isäpläwlärgä kertmäwen häm xalıqara cämäğat’çelekneñ manipulyaśiyäläwenä yul quymawın kötülären dä äytte. “AQŞ häm Greśiyägä kiräkle kisätülärne tışqı êşlär ministrlığı aşa citkerdek. BMOğa da soñğı xatıbıznı 17nçe sentyabr’dä cibärdek,”-dide Türkiyä ilbaşı.

Ärdoğan AQŞnıñ Kön’yaq Kiprğa qarata qoral êmbargosın beterüeneñ dä êçtälek yağınnan da, waqıt yağınnan da añlaşılmawın belderde. “Bu soñğı adımnıñ cawapsız qalmayaçağın, Kipr törekläreneñ iminlege öçen här çaranıñ küreläçägen härkem belergä tiyeş,”-dide ul.  



Bäyläneşle xäbärlär