Aşlıq koridorınnan moña qadär 235 korab uzdı

İstanbulda imzalanğan “Aşlıq taşu kileşüe” - BMOnıñ soñğı yıllarda qul quyğan in zur uñışlarınnan berse

1886221
Aşlıq koridorınnan moña qadär 235 korab uzdı

Türkiyäneñ tırışlığı belän oyıştırılğan “aşlıq koridorı”nnan bügengä qadär 235 korab ütte, alar taşığan aşlıq küläme 5 million 500 meñ tonnağa yaqınlaştı.

Töreklärneñ tığız diplomatiyäse näticäsendä iyül’dä BMO belän koordinaśiyäle bularaq İstanbulda aşlıqnı imin räweştä taşu öçen tözelgän “Urtaq koordinaśiyä üzäge” êşçänlegen däwam itä.

Milli saqlanu ministrı Xulusi Akarnıñ qızıqsınuçı yaqlar belän uzdırğan söyläşüläre häm Urtaq koordinaśiyä üzägeneñ tırışlığı näticäsendä aşlıq töyägän berençe korab 1nçe avgustta Odessa portınnan quzğaldı. Prośess şunnan birle özleksez däwam itä.

Kileşü nigezendä, Ukraina portlarınnan kitkän korablarnı koordinaśiyä üzäge küzätep bara, alarnı İstanbulda kontrol’ aşa uzdıralar.

Türkiyä milli saqlanu ministrı Akar bu mäs’älä belän bäyle belderüendä İstanbulda imzalanğan “Aşlıq taşu kileşüe”neñ BMOnıñ soñğı yıllarda qul quyğan in zur uñışlarınnan berse buluın äytte.



Bäyläneşle xäbärlär