Ministr Çavuşoğlu wazıyfadaşı belän küreşte
Türkiyä Tışqı êşlär ministrı Mäwlüt Çavuşoğlu yapon wazıyfadaşı Hayaşi Yoşimasa belän Türkiyä-Yaponiya säwdä külämeneñ arttırıluı häm saqlanu sänäğäte xezmättäşlege mäs’älälären söyläşte
Ministr Çavuşoğlu duçar bulğan höcüm näticäsendä häläq bulğan Yaponiya êlekke Baş ministrı Abe Şinzonıñ 27nçe sentyabr’dä ütkäreläçäk cenaza cıyınında qatnaşu öçen kilgän Yaponiyada oçraşuların däwam itterä.
Çavuşoğlu başqala Tokionıñ Kasumigaseki töbägendä urnaşqan Yaponiya Tışqı êşlär ministrlığında wazıyfadaşı Hayaşi Yoşimasa belän küreşep söyläşte.
Oçraşu waqıtında Çavuşoğlu Abeneñ üleme arqasında ministr Hayaşineñ qayğısın urtaqlaştı häm Abeneñ prem’yer-ministr wazıyfası waqıtında Türkiyä-Yaponiya mönäsäbätläreneñ üsterelüenä zur öleş kertüenä basım yasadı.
Söyläşü waqıtında ike ministr Türkiyä-Yaponiya säwdäseneñ tigez torışqa kiterelüe häm ike yaqlı säwdä külämeneñ arttırıluı belän ber rättän ênergetika häm saqlanu sänäğäte xezmättäşlege mäs’älälären quzğattı.
