Çavuşoğlu Yaponiyada

Çavuşoğlu: "Yaponiya keşesez qorallı hawa apparatı bulmasın, başqa saqlanu sänäğäte êşlänmälärebez bulmasın, bolardan alırğa telägän oçraqta bez şatlanıp bu ölkädäge ixtıyacların da qanäğätländererbez"

1884702
Çavuşoğlu Yaponiyada

Türkiyä Tışqı êşlär ministrı Mäwlüt Çavuşoğlu, aldağı könnärdä Yaponiya belän saqlanu sänäğäte häm iminlek kiñäşmälären uzdıraçaqların belderep: "Yaponiya keşesez qorallı hawa apparatı bulmasın, başqa saqlanu sänäğäte êşlänmälärebez bulmasın, bolardan alırğa telägän oçraqta bez şatlanıp bu ölkädäge ixtıyacların da qanäğätländererbez”, - dide.

Çavuşoğlu duçar bulğan höcüm näticäsendä häläq bulğan Yaponiyanıñ monnan aldağı Baş ministrı Abe Şinzonıñ irtägä ütkäreläçäk cenaza cıyınında qatnaşu öçen kitkän Yaponiya başqalası Tokioda jurnalistlarnıñ könüzäk mäs’älälärgä qağılışlı sorawlarına cawap birde.

Bu säfär waqıtında Türkiyädän Yaponiyağa (keşesez qorallı hawa apparatlarınıñ) täêmin itelüe mäs’äläse quzğatılaçaqmı yuqmı digän soraw uñayınnan Çavuşoğlu: "Bez êşläp çığarğan keşesez hawa apparatları, keşesez qorallı hawa apparatları dönyada xäzerge waqıtta citeşterelgän êşlänmälär arasında iñ yaxşılarınnan berse bulıp, xätta iñ başta tora. Liviyada da bigräk tä Tripolineñ basıp alınuıñ totqarlawçı da Türkiyäneñ keşesez qorallı hawa apparatları ide. Yaponiya belän här ölkädä bulğanı kebek saqlanu sänäğäte tarmağında da xezmättäşlegebezne üsterergä telibez”, - dip äytte.

Çavuşoğlu Yaponiya belän aldağı könnärdä saqlanu sänäğäte häm iminlek belän bäyle kiñäşmälärneñ ütkäreläçägen uzdırılaçağın citkerep: "Yaponiya keşesez qorallı hawa apparatı bulmasın, başqa saqlanu sänäğäte êşlänmälärebez bulmasın, bolardan alırğa teläsälär, başqa Aziya illäre dä xäzerge waqıtta bik qızıqsına, bigräk tä Malayziya häm İndoneziya, bu illär bezneñ saqlanu sänäğäte êşlänmälärebez belän bik nıq qızıqsınalar, kileşülärgä qul quyıla, bez şatlanıp Yaponiyanıñ bu ölkädäge ixtıyacların da qanäğätländererbez”, - dip belderde.

Tışqı êşlär ministrı: "Dön’yada, minemçä, bezneñ keşesez qorallı hawa apparatlarıbız kebek üze öçen cır yazılğan, iseme balalarğa quşılğan başqa ber keşesez qorallı hawa apparatı yuq. Ukrainada tuğan ir balalarğa birelgän iñ populyar isem Bayraktar", - dide.



Bäyläneşle xäbärlär