Ärdoğan: “Türkiyä dialognıñ häm diplomatiyanıñ köçenä ışana”

Türkiyä İlbaşı Räcäp Tayyip Ärdoğan: "Rusiyä häm Ukraina arasında tınıçlıq urnaştıruğa qağılışlı tırışularıbız däwam itä”, - dide

1883418
Ärdoğan: “Türkiyä dialognıñ häm diplomatiyanıñ köçenä ışana”

İlbaşı Ärdoğan Amerika Quşma Ştatları säfäreneñ axırında N’yu-Yorktağı Törek yortında jurnalistlar belän äñgämä qorıp cibärde.

Rusiyä Däwlät başlığı Vladimir Putinnıñ öleşçä mobilizaśiya iğ’lan itüe häm Ukraina-Rusiyä suğışında kilep citelgän soñğı wazğıyätneñ xäterlätelüennän soñ "Taraflarğa nindi däräcäle çişeleş täêmin itelä alına? Putinnıñ bu yaña açıqlawları sezne ğacäpländerdeme? Soñğı täräqqıyätlär belän bäyle bäyäläwegez nindi?" - digän soraw uñayınnan Ärdoğan bu suğışnıñ här ike il xalqına, töbäkkä, dönyağa tülättergän bäyälärneñ bilgele buluın äytte.

Berkemneñ dä bu bäyäne tağın da arttıru añlayışında bulmawı zarurlığına basım yasawçı Ärdoğan: "Fäqät bez yasağan adımnar belän ber noqtada şat. Mäsälän, totıqlar belän almaşu mäs’äläsendä bügen adımnar yasaldı. Putin häm Zelenskiy belän bez alıp barğan diplomatiya xäräkäte näticäsendä Rusiyä häm Ukraina arasında 200 suğış äsire belän almaşu buldı. Türkiyäneñ aradaşçılığında başqarılğan şuşı äsir almaşuı suğışnı beterü yulında möhim adım. Rusiyä häm Ukraina arasında tınıçlıq urnaştıru tırışularıbız däwam itä. Äsirlärne almaşuğa mömkinlek birgännäre öçen Putin häm Zelenskiygä räxmätläremne belderäm”, - dip äytte.

Ärdoğan, xalıqara xoquq qısalarında prinśipial’ häm vöcdanlı poziśiyädä toruların iskärtep uzıp: "Türkiyä dialognıñ häm diplomatiyanıñ köçenä baştan birle ışandı häm monı isbatlarğa da tırıştı. Türkiyä dialognıñ häm diplomatiyanıñ köçenä ışanuınıñ näticäsen dä xäzer şuşı totıq almaşuda aldı. Bu bezne ayıruça bik bik şatlandırdı”, - dide.



Bäyläneşle xäbärlär