“Pänçä – Kilit” operaśiyäsendä 178 köndä 371 terrorçı täêsirsez xälgä kiterelde"

Türkiye milli saqlanu ministrı Hulusi Akar Ğıyraqnıñ tön’yağında däwam itüçe “Pänçä – Kilit” operaśiyäsendä 178 köndä 371 terrorçınıñ täêsirsez xälgä kiterelüen belderde.

Ul Änkarada yasağan belderüendä terrorğa qarşı köräşneñ anıñ çığanağın yuq itü strategiyäse nigezendä bar köçenä däwam itäçägen assızıqladı.

”Sonğı terrorçı yuq itelgänçe köräş däwam itäçäk. Biredä yıllar buyı terrorçılar tarafınnan qullanılğan sıyınu urınnarı, güyä ştab-kvartiralar bar. Bolarnıñ barısı da yuqqa çığarıla. Terrorçılarnıñ Türkiye ğadälätenä sıyınudan başqa çarası yuq. 178 köndä 400 dän artıq sıyınu urını, mäğarä terrorçılardan çistartıldı. 2 meñnän artıq mina häm quldan yasalğan şartlatqıç yuq itelde. Operäsiyädä xäzergä çaqlı 371 terrorçı täêsirsez xälgä kiterelde. Bu däwam itäçäk” dide ministr.