Türkiye häm İzrail ike yaqlı bularaq ilçe bilgeliyäçäk

İke il mönӓsӓbӓtlӓrendӓ yaña çor açılırğa tora.-

1869704
Türkiye häm İzrail ike yaqlı bularaq ilçe bilgeliyäçäk

Yıllar buyı dӓwam itkӓn kiyerenke mönӓsӓbӓttӓn soñ mart ayında İzrail prezidentı 15 yıldan soñ berençe tapqır Türkiyegӓ kilde.

İke taraf ta bu sӓfarne “tarixi” hӓm “borılış noqtası” itep taswirladı.

İzrailneñ 2008dӓ Ğazzӓgӓ höcüme, 2010da İzrail xӓrbilӓreneñ Ğazzӓneñ blokada astındağı watandaşlarına yӓrdӓm alıp baruçı törek gumanitar yӓrdӓm köymӓsenӓ höcüm itüe belӓn barlıqqa kilgӓn Mavi Marmara waqıyğası, qanunsız tözelgӓn yӓhüd bistӓlӓreneñ kiñӓytelüe hӓm  Yerusalimnıñ statusı belӓn bӓyle bӓxӓslӓr ike il mönӓsӓbӓtlӓren in tübӓn dӓrӓcagӓ kitergӓn ide.

Xӓzerge waqıtta isӓ ike il mönӓsӓbӓtlӓrendӓ yaña çor açılırğa tora.

Türkiye tışqı êşlӓr ministrı Mӓwlüt Çavuşoğlu: “Türkiye bularaq İzrailğa, Tel’-Avivğa ilçe bilgelӓrgӓ qarar birdek. Bu mӓs’ӓlӓdӓ qararnamӓbez dӓ bar. Kilӓse barışta bilgelӓnӓçӓk ilçelӓr isemlegen dӓ prezidentıbızğa tӓqdim itkӓnnӓn soñ prośess rӓsmi rӓweştӓ başlanaçaq. İlçelӓrneñ qabat bilgelӓnüe ike yaqlı mönӓsӓbӓtlӓrebezneñ üsterelüe cӓhatennӓn dӓ möhim. Şulay uq hӓrwaqıt ӓytkӓnebez kebek Fӓlӓstin, Qudüs-Yerusalim hӓm Ğazzӓneñ xaqların yaqlarğa dӓwam itӓçӓkbez. Yullamalarıbıznıñ turıdan ilçe yӓrdӓmendӓ dӓ Tel’-Avivka citkerelüe monıñ öçen bik möhim.”

İzrail dӓwlӓt başlığı İśxak Gerśog sośial’ sӓxifӓdӓ bu tӓraqqıyӓt’kӓ uñay qarawın açıqladı.

İzrail prezidentı İśxak Gerśog: “Türkiye belӓn diplomatik mönӓsӓbӓtlӓrneñ qabat urnaştırıluın tӓqdir itӓm. Bu – uzğan yıldan birle östenlek birelgӓn, tağın da köçle iqtisadi mönӓsӓbӓtlӓrne, ike yaqlı turizmnı hӓm İzrail belӓn törek xalıqları arasındağı duslıqnı tӓşwik itӓçӓk möhim tӓraqqıyӓt’. Yaqın Könçığıştağı yaxşı kürşelek mönӓsӓbӓtlӓre hӓm partnyerlık ruxı barıbız öçen dӓ möhim. Barlıq din iyӓlӓre yӓgni möselmannar, yӓhüd hӓm xristiyannar bergӓlӓşep tatulıqta yӓşi ala hӓm yӓşӓrgӓ tiyeş tӓ.”

Ӓnkara hӓm Tel’-Aviv citӓkçeleklӓre bıyıl ênergetika proyektları östendӓ bergӓ êşlӓw, saqlanu ölkӓsendӓge xezmӓttӓşlekne nığıtu hӓm sӓwdӓ külӓmen 10 milliard dollarğa citkerü mӓs’ӓlӓsendӓ kileşte.

Türkiye citӓkçelege İzrail belӓn mönӓsӓbӓtlӓr normal’lӓşügӓ qaramastan Fӓlӓstinneñ xaqların yaqlaw hӓm üsterü sӓyӓsӓteneñ dӓwam itӓçӓgen belderde.

Hӓm Ӓnkaranıñ Qudüs belӓn bӓyle qızıl çiklӓre üzgӓrmӓde.



Bäyläneşle xäbärlär