"Suğışnı söyläşü östälendä beterik"

Bu xaqta Ärdoğan Ukrainadağı matbuğat oçraşuında citkerde

1869744
"Suğışnı söyläşü östälendä beterik"

Türkiye prezidentı Räcäp Tayyip Ärdoğan L’vov şähärendä wazifadaşı Vladimir Zelenskiy häm Berläşkän Millätlär Oyışması ğomüm särqätibe Antonio Guterreş belän öç yaqlı söyläşüdän soñ oyıştırılğan matbuğat oçraşuında çığış yasadı.

“İstanbulda taraflar arasında mart ayındağı söyläşülärdä şäkellängän parametrlarnı canlandıru maqsatına taba qulaylaştıruçı yäisä aradaşçı rolen uynarğa äzer bez,” – dide ilbaşı.

Mäs’äläneñ söyläşü östälenä baruçı iñ qısqa häm ğadel yulnı tabu buluın assızıqlağan Ärdoğan diplomatik proŝessnıñ canlandırıluı öçen xalıqara cämäğat’çelek xuplawınıñ ähämiyätenä işarät itte, suğışnıñ söyläşü östälendä betäçägenä ışanuın äytte.

Ärdoğan bolay dip däwam itte: “Zaporoj’ye Atom-töş stanŝiyase tirä-yağında däwam itüçe bäreleşlärdän toyılğan borçunı citkerdek. Yaña Çernobıl’ waqıyğasın telämibez.”

Ukraina däwlät başlığı Vladimir Zelenskiy Türkiye prezidentı belän monnan alda ütkärgän söyläşüdän soñ yazma açıqlaw yasadı.

Zelenskiy Ärdoğan säfären köçle xuplaw yullaması itep bäyäläp: “Törkiyä prezidentınıñ Ukrainağa säfäre mondıy köçle ildän kilüçe köçle xuplaw yullaması bulıp tora,” – dide.



Bäyläneşle xäbärlär