Ukrainadan aşlıq taşu däwam itä

Ukrainadan tağın aşlıq taşuçı 2 korabnıñ yulğa çığuı citkerelde.

Törkiyä milli saqlanu ministrlığınnan yasalğan yazmaça belderüdä bolay diyelä: “İstanbuldağı Konsul’tativ koordinaśiyä üzägeneñ êşçänlege qısalarında Ukraina portlarınnan aşlıq täêminatı däwam itä. Bügen irtän 11 meñ tonna soya tutırğan “Sakura” korabı Yujnıy portınnan - İtaliyägä, 48 meñ 458 tonna kukuruz töyägän “Arizona” isemle korab Çernomorskidan İskändärunğa yul tottı. Kiçä quzğalğan häm İstanbulğa taba xäräkät itüçe 4 korab isä bügen kiçke säğat’lärdä kilep citäçäk häm irtägä kontrol’ aşa uzaçaq”.