"Global’ azıq-tölek krizisın çişügä zur öleş kertäçäkbez"
İlbaşı bu xaqta Kayserida yasağan çığışında citkerde
Törkiyä ilbaşı Räcäp Tayyip Ärdoğan Kayserida metall sänäğäte êşçeläre belän oçraşu programmasında çığış yasadı.
Ärdoğan üz çığışında Ukrainadan aşlıq cibärü kileşüenä qağılışlı “Bez aldağı könnärdä başlanaçaq köymä xäräkäte belän global’ azıq-tölek krizisın çişügä zur öleş kertäçäkbez” dide.
”Bıyılnıñ berençe yartısında 126 milliard dollar külämendä êksport başqardıq, yıl axırında bu kürsätkeç yaqınça 300 milliard bulaçaq” dip süzlären däwam itte ilbaşı.
Törkiyä ilbaşı Ukraina belän Rusiya arasında tınıçlıq urnaşqançı diplomatik tırışlıqlarınıñ däwam itäçägen assızıqladı.
Kiçä İstanbulda Törkiyä, Rusiya, Ukraina häm BMO arasında “Ukraina portlarınnan aşlıq häm azıq-tölek produktların qurqınıçsız cibärü dokumentı”na qul quyılğan ide.
Bäyläneşle xäbärlär
Terrorçılıqqa qarşı köräş
1 ğıynwardan bügengä qadär täêsirsez xälgä kiterelgän terrorçı sanı 748 buldı
