Törkiyä ilbaşı İranda

Törkiyä ilbaşı Räcäp Tayyip Ärdoğan kiçä kiçen İran başqalası Tähranğa kilde. 

Bügen irtän isä räsmi qarşı alu tantanası oyıştırıldı.

Soñraq Ärdoğan İran ilbaşı İbrahim Räisi belän oçraştı.

Sadabad sarayında matbuğatqa yabıq uzğan oçraşuda ike il delegaśyäse dä qatnaştı.

Ärdoğan häm Räisi Törkiyä - İran yuğarı däräcäle xezmättäşlek şurasınıñ 7 nçe cıyılışın citäkläyäçäk.

Şura cıyılışında Törkiyä – İran mönäsäbätläre törle yaqlap qaralaçaq, şulay uq ike yaqlı xezmättäşlekne yaxşırtu adımnarı söyläşeläçäk.

Oçraşular waqıtında regional’ häm global’ mäs’älälär, ayıruça Süriyä turında fiker alışu bulaçaq.

Annarı Ärdoğan Rusiya Federaśiyäse däwlät başlığı Vladimir Putin qatnaşında Tähranda uzaçaq Astana formatındağı 7 nçe öç yaqlı sammitta qatnaşaçaq.

Törkiyä ilbaşınıñ Putin belän üzara küreşep söyläşüe dä kötelä.