Ärdoğan İranğa kitä

Törkiyä ilbaşı Räcäp Tayyip Ärdoğan İran däwlät başlığı İbrahim Räisineñ çaqıruına cawap itep älege ilgä bara. Anda 19nçı iyül’dä başqala Tähranda Törkiyä-İran yuğarı däräcäle xezmättäşlek şurasınıñ cidençe cıyılışı uzaçaq. Anı ike ilneñ liderı citäkli.

Şura cıyılışında Törkiyä belän İran mönäsäbätläre barlıq yaqları belän küzdän kiçereläçäk, ikeyaqlı xezmättäşlekne üsterü öçen yasalırğa mömkin adımnar qaralaçaq. Anda, şulay uq, regional’ häm global’ mäs’älälär turında da fiker alışu kötelä.

İlbaşı Ärdoğan şul uq könne Rusiyä däwlät başlığı Vladimir Putin qatnaşında häm İran liderı Räisi citäkçelegendä uzuçı “Astana formatında cidençe öç’yaqlı sammit cıyılışı”nda da bula.

Sammitta Süriyädäge köndälek täräqqıyät’lär, älege ildä PKK/YPG häm DEAŞnı da kertep region iminlegenä yanawçı terrorçı oyışmaları belän köräş, säyäsi çişeleş öçen tırışlıq, gumanitar xäl häm süriyälelärneñ illärenä üz teläkläre belän qaytuı mäs’äläläreneñ qaraluı küzallana.

İlbaşı Ärdoğan sammit uñayınnan Rusiyädäge wazıyfadaşı Putin belän dä ikeyaqlı söyläşü uzdıraçaq.