"Srebreniśa genośidı - keşelek tarixındağı iñ qara taplarnıñ berse"

Törkiyä ilbaşı Räcäp Tayyip Ärdoğan Srebreniśa genośidınıñ 27 yıllığında bu faciğada wafat bulğannarnı xörmät xisläre belän iskä aldı.

“Keşelek tarixındağı iñ qara taplarnıñ berse bulğan Srebreniśa genośidınıñ 27 yıllığında ğaziz şähitlärebezgä Allahtan yarlıqaw, ğailälärenä sabırlıq telim. Bez xaqıyqat’ häm ğadellek êzlägändä bosniyäle qardäşlärebezne berqayçan da yalğız qaldırmayaçaqbız” dip yazdı ilbaşı üzeneñ sośial’ media akkauntında.

Srebreniśa genośidı - Yugoslaviya suğışı waqıtındağı iñ qanqoyğıç küpläp üterü waqıyğası.

1995 nçe yılnıñ iyülendä Serbiya ğaskärläre kim digändä 8 meñ 372 möselman bosniyäle ir –atnı üterälär.