Miśotakis ilbaşı Ärdoğan belän qabat oçraşmaqçı

Greśiyä xökümäte räise Kir’yakos Miśotakis ilbaşı Räcäp Tayyip Ärdoğan belän qabat oçraşıp söyläşergä kiräklegen belderde. Ul ileneñ däwlät telekanalı ERTgä interv’yusında kürşe däwlät belän mönäsäbätlär häm başqa tışqı säyäsät mäs’älälärenä tuqtaldı.

Miśotakis xökümätne citäklägän waqıtta törek-grek mönäsäbätlärendä bik küp menü-töşülärgä şahit buluın äytte. Ul Törkiyä ilbaşı belän martta İstanbulda uzğan oçraşuı xaqında bolay di: “Ärdoğan belän oçraşu, çınnan da, bik yaxşı moxittä uzdı. Min dä, kileşengänçä, kiyerenkelekne ber yaqqa quyıp, ike il arasında uñay kön tärtibenä iğ’tibar itärbez dip kötkän idem,”-dide Miśotakis.

Greśiyä xökümäte räise Törkiyä häm törek xalqı belän yaxşı häm dustanä kürşe mönäsäbätläre tözüne dürt küz belän kötüen citkerde. “Bezneñ Törkiyä häm törek xalqı belän problemabız bula almıy,”-dide ul. Miśotakis ike il arasında mäydanda tügel, söylämdä zur kiyerenkelek buluın häm Ärdoğan belän qabat küreşep söyläçäklären belderde.