Törkiyäneñ “Türksat 5B” iyärçene xezmätkä açıla

Qaraismailoğlu “Türksat” akśionerlıq cämğıyäteneñ başqala Änkaradağı Gölbaşı şähärçegendä oyıştırğan matbuğat oçraşuında “Türksat 5B” êlemtä iyärçeneneñ orbita säyäxäteneñ 2021nçe yılnıñ 19nçı dekabr’ könne başlawın häm 17nçe mayda orbitasına barıp citüen xäterlätep:

"Êşläw funkśiyäse häm orbita testları uñışlı tämamlandı. İyärçenebezneñ xezmätkä alınu waqıtı citte inde. Xörmätle Däwlät başlığıbız qatnaşında 84 million keşe aldında 14nçe iyün’dä “Türksat 5B”ne xezmätkä alaçaqbız. Bu räweşle ilebezneñ aktiv êlemtä iyärçene sanı da bişkä citäçäk. 42 däräcä könçığış yünäleşendä xezmät biräçäk iyärçenebez böten Yaqın Könçığışnı, Farsı qultığı, Qızıl diñgez, Urta diñgez, Tön’yaq häm Könçığış Afrika, Kön’yaq Afrika häm yaqın kürşe illären dä üz êçenä alaçaq häm kiñ qolaçlaw mäydanına iyä bulaçaqbız. İyärçen aşa yuğarı tizlekle internet birä alaçaqbız. “Türksat 5B” belän Ka-Bant mäğ’lümat citkerü köçebez dä 15 märtäbä artaçaq. İyärçenebezneñ yuğarı mäğ’lümat köçe belän ciröste asqorması belän ireşä almawçılarğa barıp citäçäk, internet asqormabıznı kiñäytäçäkbez ", - dip äytte.

Cirle häm milli êlemtä iyärçene “Türksat 6A”nıñ integraśiyası häm testlarınıñ da däwam itüen belderüçe Qaraismailoğlu: "İlebezneñ êlemtä iyärçenen êşläp çığara alaçaq 10 il arasına kerüen täêmin itäçäk “Türksat 6A”'nı Cömhüriyätebezneñ 100 yıllığında (2023nçe yılda) ğalämgä cibäräçäkbez”, - dip iskärtep uzdı.