"Terror oyışmalarınıñ NATOğa kerüenӓ “yarar” dip ӓytӓ almıybız"

Törkiyä ilbaşı Räcäp Tayyip Ärdoğan İstanbulda jurnalistlarnıñ sorawlarına cawap birde.

Terrorçılıqqa qarşı körӓş belӓn bӓyle ber sorawğa ilbaşı mondıy cawap qaytardı: “Awrupa Berlege PKKnı terror oyışması itep qabul itüen ӓytte, alay bulğaç ni öçen YPGne terror oyışması bularaq qabul itmisez? YPG – PKKnıñ Süriyӓdӓge törkeme. AQŞ ta bolarğa söylӓşü mӓs’ӓlӓsendӓ şaqtıy forsatlar tudıra. Germaniya belӓn ber rӓttӓn Şveśiyasendӓ dӓ, Franśiyasendӓ dӓ bu terror oyışmaları hӓrtörle çara oyıştıra. Bu illӓrneñ citӓkçeleklӓre hӓrtörle ışanıç birӓ. Bolarnı bez üzlӓrenӓ ike yaqlı söylӓşülӓrdӓ dӓ hӓrwaqıt añlattıq, dokumentlar kürsӓttek. PKK/YPG Ğıyraqnıñ Kandil töbӓgendӓ oya qordı, könbatış, qızğanıç, bolarnı yӓşerӓ. Terrorçılarnı tapşırığız digӓndӓ dӓ tapşırmıy. Bez kirӓkle êşçӓnleklӓrne başqarırğa dӓwam itӓçӓkbez.”

Ӓrdoğan Şveśiya hӓm Finlyandiyaneñ NATOğa quşılu barışına da tuqtalıp: “Bügen Niderland prem’yer-ministrı belӓn kiñ qırlı söylӓşü ütkӓrdek. İrtӓgӓ Angliyaneñ, Finlyandiyaneñ söylӓşü talӓplӓre bar. Şulay uq NATO ğomüm sӓrqӓtibe Stoltenberg belӓn söylӓşӓçӓkbez. Telefon diplomatiyasen özmibez. Bu terror oyışmalarınıñ barlıq dokumentları bezneñ qulda, alardan bez zıyan kürgӓngӓ kürӓ NATOnıñ terrorğa qarata totışın belӓbez ikӓn, NATOğa mondıy terror oyışmasınıñ kertelüenӓ bez “ӓye” dip ӓytӓ almıybız. Şveśiya hӓm Finlyandiya turında da şulay uylıym. Üz parlamentlarında bolarğa çığış yasatalar, mömkinleklӓr tudıralar, qoral, kirӓk-yaraq belӓn tӓêmin itӓlӓr. Berkem dӓ açulanmasın, bu terror oyışmalarınıñ NATOğa kerüenӓ “yarar” dip ӓytӓ almıybız,” – dide.