Çavuşoğlu: “Suğışnıň bäyäsen Ukraina häm Rusiyä xalqı tüli”

Amerika Quşma Ştatlarınıň N’yu-York qalasına kitkän Mäwlüt Çavuşoğlu biredäge Törek yortında Törek-amerikan cämğıyäte äğ’zaläre belän oçraştı.

Yaňa tör koronavirus (Kovid-19) kizüe bette digän çaqta Ukraina suğışınıň başlawın häm töbäktäge problemalarnıň äle dä däwam itüen bilgeläp uzuçı Çavuşoğlu:

"Mondıy waqıtlarda liderlıq, küzallaw häm töple fiker altın qıymmätendä. Bu Ukraina suğışında da açıqtan-açıq kürengän ide. İlbaşıbız Räcäp Tayyip Ärdoğan liderlığında aktiv häm prinśipial’ tışqı säyäsätebez belän şuşı awır könnärdä yulıbızğa däwam itäbez häm bu barışta bez alıp barğan säyäsät härkem tarafınnan kürenä, täq’dir itelä,” – dip äytte.

Suğışnıň däwam itüen teläwçe illär buluın kürülären belderüçe Çavuşoğlu monıň bäyäsen isä Ukraina häm Rusiyä xalqınıň tüläwenä basım yasadı.

İke il arasında tiz arada utnı tuqtatunıň zarurlığın citkerüçe Çavuşoğlu tınıç xalıqnıň êvakuaśiyası mäs’äläsendä Törkiyäneň Berläşkän Millätlär Oyışması Ğomum särkätibe Antonio Guterreş belän êşläwen iskärtep uzdı.

Humanitar mäs’älälärdä BMO Ğomum särkätibe täq’dim itkän, Berläşkän Millätlär Oyışması, Rusiyä häm Ukraina qatnaşındağı êlemtä törkemenä tuqtalıp uzuçı Tışqı êşlär ministrı: “Aldıbızdağı könnärdä texnik däräcädä cıyılış ütkärüne dä planlaştırabız,” – dide.