Ärdoğan Nehammer belän küreşäçäk

Awstriya xökümäte idaräsennän Awstriya xäbär agentlığına citkerelgän yazmaça belderüdä Nehammerneñ iyün’ axırında oyıştırılaçaq sammit qısalarında İlbaşı Ärdoğan belän küreşep söyläşäçäge äytelde.

Belderüdä Madridta ütkäreläçäk yuğarı däräcäle oçraşuğa NATOğa äğ’za bulmağan Awrupa Berlege äğ’zase illärneñ dä çaqırıluı, Nehammerneñ dä şuşı çaqıru nigezendä İspaniyağa baraçağı citkerelde.

Belderüdä uzğan atnalarda ike lider arasında ütkärelgän telefon söyläşüläre waqıtında Rusiya-Ukraina suğışı belän ber rättän ike yaqlı mönäsäbätlärneñ quzğatıluı äytelep, ike il arasındağı mönäsäbätlärneñ uñay yünäleştä üseş aluına basım yasaldı.

İl matbuğatında kiñ räweştä yaqtırtılğan belderüdä Nehammerneñ bäyäläwläre dä citkerelde.

Kanśler Nehammer: "Minem Ukraina Däwlät başlığı Volodimir Zelenskiy belän ütkärgän küp sanda söyläşüem, Rusiyä İlbaşı Vladimir Putin belän ütkärgän söyläşü häm İlbaşı Ärdoğan belän ütkärgän telefon söyläşülärebez näticäsendä İstanbul barışınıñ Awrupada tınıçlıq öçen iñ yaxşı şans buluın däwam itüenä ışanam”, - dide.

İke il arasındağı mönäsäbätlär soñğı waqıtta törle däräcälärdä uzdırılğan söyläşülär nigezendä üseş aluına iğ’tibar yünältelgän ide.

Awstriya tışqı êşlär ministrı Aleksandr Şallenbergnıñ Antaliya diplomatiya forumında qatnaşuı häm Nehammernıñ 12nçe aprel’dä yasağan Rusiyä säfäre aldınnan häm annan soñ İlbaşı Ärdoğan belän ütkärgän telefon söyläşüläre ike il arasındağı mönäsäbätlärneñ uñay yünäleştä üseş aluına öleş kertkän ide.