Törkiyä Äfğanstandağı terrorçı höcümnären ğayepläde

Törkiyä Äfğanstannıñ qayber şähärlärendä oyıştırılğan häm küp keşeneñ ğomeren özgän terrorçı höcümnären iñ köçle räweştä ğayepläwen belderde.

Tışqı êşlär ministrlığınnan yasalğan belderüdä şartlawlarda ülüçelärgä Allahtan yarlıqaw sorala, alarnıñ yaqınnarı häm äfğan xalqınıñ qayğısı urtaqlaşıla, yaralanuçılarğa şifa telänä.

Taliban waqıtlıça xökümäte wäqalätleläre ilneñ Kunduz häm Nangarxar töbäklärendäge höcümnärdä 8 keşeneñ ğomere özelüen häm 18eneñ yaralanuın belderde.

Şul uq waqıtta, Äfğanstannıñ tön’yağındağı Mezar-ı Şärif qalasında şiğıylärneñ ber mäçetendä bulğan bombalı höcümdä kimendä 10 keşeneñ hälaq buluı, 40ınıñ yaralanuı mäğ’lüm. Waqıyğanıñ şahitläre isä höcümdä ülüçelärneñ sanınıñ 31gä citüen häm yaralılarnıñ 80nän artıq buluın alğa sörä.

Terrorçı oyışması DEAŞ sośial’ media akkauntları aşa älege höcümnär öçen cawaplılıqnı üz östenä aldı.