Qalın: “Törkiyä bu kritik barışta tigez totışın saqlap qalaçaq”

Törkiyä İlbaşı idaräse süzçese İbrahim Qalın 24nçe fevral’dä başlanğan Rusiyä-Ukraina suğışı belän bäyle bularaq: "Törkiyä bu kritik barışta tınıçlıq, totrıqlılıq, iminlek häm ğadälät urnaştıru öçen tigez totışın saqlap qalaçaq häm küp yaqlı kereşülären däwam itteräçäk”, - dip äytte.

İbrahim Qalın sośial’ media akkauntınnan urtaqlaşqan yazmasında Ukraina krizisınıñ artıp däwam itüenä basım yasadı.

Qalın: "İke yaqlı xatalar, yaña köç tigezlegen êzläw häm qısqa möddätle mänfäğät xisapları – urta-ozın möddättä zur strategik yuğaltularğa häm humanitar dramalarğa säbäp bulaçaq. Yaña salqın suğış çorına kerdek. Bu suğış näticäläre distä yıllar däwam itäçäk. Azıq-tölek häm ênergiya qurqınıçsızlığınnan geopolitik dinamikalarğa häm regional’ tartqalaşularğa qadär här ölkädä yaña tigezleklär qorılaçaq. Törkiyä şuşı kritik barışta tınıçlıq, totrıqlılıq, iminlek häm ğadälät urnaştıru öçen tigez totışın saqlap qalaçaq häm küp yaqlı kereşülären däwam itteräçäk”, - dip belderde.