İlbaşı Ärdoğan Üzbäkstan säfären tögälläde

Türkiye İlbaşı Räcäp Tayyip Ärdoğan oçraşuların tögälläp Üzbäkstannan kitte

1804604
İlbaşı Ärdoğan Üzbäkstan säfären tögälläde

İlbaşı Ärdoğannı Urgäneç xalıqara hawa mäydanınnan Üzbäkstan Däwlät başlığı Şäwkät Mirziyayıv häm xäläl cefete Ziroat Mirziyayıva belän räsmi zatlar ozatıp qaldı.

İlbaşı Ärdoğan sişämbe könne Üzbäkstan başqalası Taşkenttağı räsmi oçraşularınnan soñ çärşämbe könne säfäreneñ ikençe öleşe öçen hawa yulı belän Urgäneçkä kitkän ide.

Biredän avtoyul belän Törki İslam tarixınıñ möhim märkäzlärennän Hivägä xäräkät itkän Ärdoğan belän xäläl cefete Äminä Ärdoğannı İlbaşı Şäwkät Mirziyayıv belän tormış iptäşe Ziroat Mirziyayıva ozatıp yörgän ide.

İke lider häm yanındağı wäkilleklärneñ "İçan qal’ğa” mäydanına kilüe belän törki yolalar kürsätelgän qarşı alu cıyını oyıştırılğan ide.

Ärdoğan belän Mirziyayıv "İçan qal’ğa" öleşennän yörep töbäktäge tarixi urınnarnı gizgän ide.

Biredä zur xörmät häm iğ’tibar belän qarşılanğan Ärdoğan annan soñ Mirziyayıv qunaqlar xörmätenä oyıştırğan aş mäclesendä qatnaşqan ide.



Bäyläneşle xäbärlär