Aq yort Ärdoğan-Bayden söyläşüe turında belderü yasadı

Aq yorttan yasalğan yazmaça belderüdä Törkiyäneñ Rusiyä-Ukraina bäreleşendä diplomatik çişeleşne yaqlaw tırışlığına qarata qanäğätlelek citkerelde.

İlbaşı Ärdoğannıñ häm Baydennıñ Rusiyäneñ Ukrainağa qarşı (24nçe fevral’dän birle alıp barılğan) höcümnäre belän bäyle borçıluların telgä aluları citkerelgän belderüdä:

"İke lider Rusiyä höcümnäreneñ iñ tiz waqıtta tuqtatıluınıñ zarurlığına tağın ber qat basım yasalıp, krizisqa qarşı koordinaśiyalı räweştä cawap birelüen qanäğät bulıp qarşıladı”, - dip bilgeläp uzıldı.

Belderüdä: "Bayden Törkiyäneñ bäreleşlärneñ diplomatik çişeleşenä qağılışlı tırışularınnan, ayıruça Törkiyäneñ tınıçlıq häm totrıqlılıq öçen regional’ liderlar belän soñğı waqıttağı êlemtälärennän qanäğätlelegen belderde. Monnan tış ike lider ike yaqlı mönäsäbätlärneñ köçäytelüe forsatların qarap uzdı”, - dip äytelde.