Ärdoğan: “Taraflarnı aqıllı fiker yörtertä häm xalıqara xoquqnı ütärgä çaqıram”

Ärdoğan Kongo Demokratik Cömhüriyätennän Senegalğa kitkän çaqta oçqıçta jurnalistlar belän äñgämä qorıp cibärde.

Törkiyäneñ Rusiyä-Ukraina krizisında iñ başınnan birle kiyerenkelekneñ beterelüe öçen êçkersez ğayrät kürsätüen añlatuçı Ärdoğan: "Krizis çişeleşenä qağılışlı yullamalarıbıznı anıq räweştä belderdek. Soñğı täräqqıyätlär mönäsäbäte belän tışqı êşlär ministrlığıbız yasağan belderüdä dä Rusiyäneñ güya Doneśk häm Lugansk cömhüriyätlären tanu qararınıñ Minsk kileşülärenä qarşı kilüen citkerdek. Bu qararnıñ Ukrainanıñ säyäsi berlegen, suverenlığın häm cir bötenlegen açıq räweştä bozu mäğ’näsenä turı kilüenä basım yasaldı”, - dip äytte.

İlbaşı Ärdoğan: "Qararnı qabul itelmäslek itep bäyälibez. Taraflarnı aqıllı fiker yörtergä häm xalıqara xoquqnı ütärgä çaqırabız. Qara diñgez ile buluıbız arqasında küp sanda çara paketınıñ buldırıluı şart. Bez dä bu çaralarıbıznı bolay da küräbez, kürdek”, - dip belderde.

Ärdoğan Ukraina İlbaşı Vladimir Zelenskiyneñ Berläşkän Millätlär Oyışması İminlek Şurası-Törkiyä-Germaniya urtaq sammitı täq’dime belän bäyle bularaq: "Berläşkän Millätlär Oyışması İminlek Şurası äğ’zaläre bulmasın, başqa illär bulmasın, qabul itsälär bez bu oçraşuda qatnaşırbız”, - dip äytte.