Süriyädä terrorçılar täêsirsez xälgä kiterelde

Milli saqlanu ministrlığı tarafınnan yasalğan belderüdä: "Terrorçılıqqa häm terrorçığa ütep yörerlek yul yuq. Qaharman iminlek törkemnärebez “Tınıçlıq çişmäse” töbägenä höcüm yasarğa äzerlängän 4 “PKK/YPG”'le terrorçını täêsirsez xälgä kiterde. Terrorçılarnıñ höcüm omtılışlarına köçle räweştä cawap birergä däwam itäçäkbez”, - dip äytelde.

Şul uq waqıtta Törkiyä êçke êşlär ministrlığı çığanaqlarınnan alınğan mäğ’lümatkä kürä, Mardin Bagokta 2021nçe yılnıñ 12nçe-15nçe dekabr’ könnärendä Jandarmeriya maxsus xäräkät häm jandarmeriya maxsus iminlek törkemnäre tarafınnan oyıştırılğan operaśiyädä täêsirsez xälgä kiterelgän 6 terrorçınıñ tağın berseneñ tanıqlığı häm qatnaşqan terror ğamälläre bilgele buldı.

Täêsirsez xälgä kiterelgännär arasında terrordan êzlängännär isemlegendä 500 meñ lira büläk belän sorı kategoriyägä kertelgän "Älif Avesta" quşamatlı Bätül Dilärneñ dä buluı bilgelände.

Terrorçı Dilärneñ 2017nçe yılnıñ 2nçe noyabr’ könne Hakkarineñ Şämdinli ilçäsendäge Urtaqlar töbägendäge 34nçe Çik buyı brigadasına bäyle yul kontrol’ noqtasına yasalğan häm 6 ğaskäri belän 2 iminlek saqçısı şähit bulğan raketa höcümendä qatnaşuı bilgele buldı.

Ayıruça terrorçı Bätül Dilärneñ Ğıyraqnıñ tön’yağındağı Hakurk töbägendä dä küp sanda terror ğamällären başqaruı añlaşıldı.