Çavuşoğlu: “Qabul aêroportın Qatar belän bergä êşlätä alabız”

Tışqı êşlär ministrı Mäwlüt Çavuşoğlu başqala Änkarada Malayziya tışqı êşlär ministrı Säyfäddin Abdullah belän urtaq matbuğat oçraşuın oyıştırdı.

Qabul aêroportınıñ êşlätelüe belän bäyle bularaq çığış yasawçı Çavuşoğlu:

"Belgeçlärebez bügen kiç belän Dohağa kitä. Äfganstan waqıtlı citäkçelegenä urtaq täq’dimnärebezne citkeräçäkbez. Şartlarıbız turı kilsä, Qatar belän bergä hawa mäydanın êşlätä alabız.

Äfganstanda Qabul belän bergä 5 aêroportnı bergä êşlätü öçen urtaq kileşügä qul quyılğan ide. Çärşämbe könne wäkillek Qabulğa baraçaq. Waqıtlı citäkçelek belän söyläşü ütkäreläçäk”, - dip äytte.

Çavuşoğlu Ärmänstan belän dialog barışına qağılışlı bularaq ta: "Ärmänstan belän turıdan-turı êlemtälärneñ başlawı öçen maxsus wäkillärne bilgelädek. Tiz arada cıyılaçaqlar. Böten bu adımnarnı yasağan çaqta can Azärbaycan belän kiñäşläşep adımnarıbıznı, qararlarıbıznı bergä qılabız”, - dip iskärtep uzdı.

Ministr Çavuşoğlu Törkiyäneñ yaña tör koronavirus (Kovid-19) kizüenä qarşı qamilläştergän “Türkovak” vakśinasın Malayziya xalqınıñ faydalanuınnan şat bulaçaqların citkerep: "“Türkovak” bazarğa kergän häm qullanıla başlanğan çaqta qardäşlärebez belän şuşı vakśinanı urtaqlaşudan qanäğät bulaçaqbız. Artta qalğan häm üsep kilüçe illärgä bu vakśinanı citkeräçäkbez. Qardäş Malayziya xalqınıñ “Türkovak”nı faydalanuınnan şat bulaçaqbız”, - dip äytte.