Akar: “Töreklär häm kördlär qardäşlär”
Törkiyä Milli saqlanu ministrı Hulusi Akar: "Töreklär häm kördlär qardäşlär. Arağa fetnä, bozıqlıq kertergä teläwçelär êlek tä uñışlı bula almadı, bügen dä, irtägä dä monı başqara almayaçaq”, - dip äytte
Hulusi Akar Batman säwdä häm sänäğät palatasınıñ yaña xezmät binasınıñ açılışında qatnaştı.
Biredäge çığışında “PKK” häm “YPG” terror oyışmaları arasında ayırma bulmawına basım yasawçı Akar: "“PKK/YPG” berqayçan da körd qardäşlärebezneñ wäkile bula almıy. Niçek “DEAŞ” möselmannarnı wäkillek itmi, “PKK/YPG” terror oyışması da körd qardäşlärebezneñ wäkile bula almıy. Töreklär häm kördlär qardäşlär. Ğasırlardan birle ber ük ikmäkne, sunı büleşäbez. Danlı bayrağıbız öçen ğomerlären qorban itkän qaharmannarıbız şähitlär ziratında yänäşä yata. Çanakkalä Şähitlege belän bergä şähit ziratlarına qarağan çaqta monı açıq itep küräsez. Arağa fetnä, bozıqlıq kertergä teläwçelär êlek tä uñışlı bula almadı, bügen dä, irtägä dä monı başqara almayaçaq," – dip belderde.
Bäyläneşle xäbärlär
"Törkiyä belän yaxşı mönäsäbätlär ilem häm Awrupa Berlege öçen möhim"
Bu xaqta Niderland waqıtlıça xökümäte prem’yer-ministrı Mark Rutte belderde
