Törkiyäneñ 2021 turizm maqsatı 29 million turist

Törkiyä mädäniyät häm turizm ministrı Mäxmät Nuri Ärsoy Antaliyada oyıştırılğan 11nçe Xalıqara resort turizm kongressında yasağan çığışında soñğı ike yıl buyı dönyanı yoğıntısı astına alğan yaña tör koronavirus (Kovid-19) kizüeneñ global’ külämdä böten tarmaqlarnıñ êşläwenä bik tiskäre yoğıntı yasawın äytte.

Ärsoy turizm tarmağı bularaq, bu barıştan sabaqlar alıp, üzeñne yañartıp yulğa däwam itäçäklären belderde.

2021nçe yılda sezon başında maqsatları bulğan 25 million turist, 20 milliard dollar kerem külämen monnan alda 28 million turist häm 22 milliard dollar kerem bularaq üzgärtülären citkerüçe Ärsoy: “Kötkännärebezdän kübräk tormışqa aşqan noyabr’ häm dekabr’ ayların iğ’tibarğa alğan çaqta maqsatıbıznı 29 million turist häm 24 milliard dollar kerem bularaq qabat arttırdıq”, - dip äytte.

Soñğı ike yılda yasalğan iniśiativalar näticäsendä Törkiyäneñ İspaniyadan tağın da kübräk turist qabul itüenä iğ’tibarnı yünältüçe ministr Ärsoy: “2021nçe yılda bulğanı kebek 2022nçe yılda da sannarnı arttıraçaqbız”, - dip belderde.