“Türksat 5B” iyärçene dekabr’ axırında oçırtılaçaq

Transport häm asqorma ministrı Adil Qaraismailoğlu yazma belderüendä “Türksat 5B” iyärçeneneñ proyektlaw häm citeşterü êtaplarınıñ uñışlı räweştä tämamlanuın belderde.

Qaraismailoğlu: "Xäzerge proyekt kalendar’-planına kürä, 2021nçe yılnıñ dekabr’ ayınıñ axırında “Türksat 5B” iyärçeneneñ “Spays İks” firmasınıñ Amerika Quşma Ştatlarınıñ Florida ştatında urnaşqan Kayp Kanaveral bazasınnan “Falkon 9” törendäge raketa belän oçırtıluı planlaştırıla”, - dip citkerde.

İyärçen Törkiyä belän ber rättän böten Yaqın Könçığışnı, Farsı qultığın, Qızıl diñgezne, Urta diñgezne, Tön’yaq häm Könçığış Afrikanı, Nigeriyanı, Kön’yaq Afrikanı häm yaqın kürşe illärne üz êçenä alğan kiñ mäydanda xezmät itäçäk.