Ärdoğan: “Törki däwlätlär oyışması belän monnan soñ tağın da tiz üsäçäkbez"

Ärdoğan İstanbul Demokratiya häm irek utrawında oyıştırılğan Törki Şuranıñ 8nçe sammitınnan soñ matbuğat oçraşuın oyıştırdı.

“Törki Şurabıznıñ iseme monnan arı Törki däwlätlär oyışması”,  - dip citkerüçe Räcäp Tayyip Ärdoğan: Yaña isemebez häm qorılışıbız Törki däwlätlär oyışması belän monnan soñ tağın da tizräk, ayıruça da nıq itep tamır cäyäçäkbez, üsäçäkbez, qamilläşäçäkbez häm çäçäk ataçaqbız “, - dip belderde.

Ärdoğan śivilizaśiyanıñ bişege bulğan Törkistan geografiyasınıñ yañadan böten keşelek öçen üzenä tartıp toruçı mäğrifät üzägenä äylänäçägen iskärtep uzdı.

Räcäp Tayyip Ärdoğan yuğarı däräcäle oçraşuda oyışmanıñ kiläçäk perspektivasın bilgeläwçe Törki dönya 2040 vizionı dokumentın da qabul itülären äytte.

İlbaşı Ärdoğan: "Bügen biredä bez gäwdäländergän küreneşne törki dönya bularaq arabızdağı mäñge qardäşlekneñ yaña bilgese bularaq bäyälibez. Berkem dä Törki däwlätlär oyışmasınnan tınıçsız bulmasın, borınğı tarix häm keşe mönäsäbätläre östendä kütärelgän bu unikal’ strukturanıñ öleşe bulırğa tırışırğa tiyeş”, - dip basım yasadı.

Ärdoğan: "Kizü (Kovid-19) çorında mömkinleklärebez belän urtaqlaşıp, Törki dönya bularaq berdäm häm bergä buluıbıznı tağın ber qat kürsättek. Törki Şura bularaq ta Afrikağa 2 million yarım doza vakśina büläk itäçäkbez. Monıñ 2 millionın Törkiyä bularaq bez büläk itäçäkbez”, - dip äytte.