"Bayden açıqlawınıñ bernindi qıymmäte yuq"

Törkiyä Amerika Quşma Ştatları ilbaşı Djo Baydennıñ 1915 yılğı waqıyğalarnı genoŝid dip atawın lägnätläwen belderde.

Tışqı êşlär ministrlığınnan yasalğan açıqlawda: “AQŞ däwlät başlığı 24 aprel’ könne yasağan 1915 yılğı waqıyğalar belän bäyle açıqlawın qabul itmibez häm qırıs räweştä ğayeplibez. Tarixi mäs’älälärdä xökem çığaru wäqaläte bulmağan AQŞ ilbaşı açıqlawınıñ bernindi qıymmäte yuq.

1915 yılğı waqıyğalar turında genoŝid dip äytü öçen kiräkle şartlarnıñ berse dä yuq. Mondıy totış tarixnı barı tik dorfa räweşta yalğanlaw bulıp tora. Awrupa Keşe Xoquqları Mäxkämäse 1915nçe yılda bulğan waqıyğalarnıñ bäxäsle buluın ap-açıq belderde. Törkiyä 2005 yılda yasağan Urtaq tarix komissiyasen qoru täqdime dä, ärmän tarafı moña yaqınlaşmasa da, bügenge köndä haman da kön tärtibendä,” – dip äytelde.

Açıqlawda ŝivilizaŝiyalärneñ bişege itep taswirlanuçı geografiya üzägendä urnaşqan häm kiçergän barlıq qayğı-xäsrätlärgä qaramastan keşelekneñ tınıçlıq häm xozurı öçen tırışlıq quyuçı Törkiyäneñ tarixı belän oçraşudan berqayçan da qaçmawı assızıqlanıp: “Törkiyä bu mäs’älädä berkemnän dä däres almas,” – dip äytelde.