Awrupa Berlegennän Törkiyägä säfär

Awrupa Berlege Şurası başlığı Şarl’ Mişel’ belän Awrupa Berlege Komissiyase başlığı Ursula von der Leyen 6 aprel’ könne Törkiyägä säfär yasayaçaq.

Awrupa Berlege Şurası başlığı Mişel’neñ süzçese Barend Leyts berlek citäkçelege Törkiyägä kitäçäk könne soŝial’ mediada citkerde.

Leyts Mişel’ häm von der Leyennıñ 6 aprel’dä Törkiyädä däwlät başlığı Räcäp Tayyip Ärdoğan belän küreşäçägen açıqladı.

Şarl’ Mişel’ uzğan atnada oyıştırılğan Awrupa Berlegeneñ Liderlar oçraşuınnan soñ Törkiyägä aprel’ ayında säfär yasarğa cıyınuların äytkän ide.

Awrupa Berlege liderları cıyılışında iqtisad, migraŝiya, cämğıyät’lär arasındağı êlemtä häm säyäxät kebek mäs’älälärdä Törkiyä belän xezmättäşlekneñ nığıtıluına qarar birelgän ide.