"Bez kilӓse ğasır ixtıyacların qanӓğӓt’lӓnderӓ torğan Töp Qanun tekstı ӓzerlӓrgӓ tiyeşbez"

Törkiyӓ ilbaşı, “Ğadӓlӓt hӓm qalqınu” partiyӓse ğomum başlığı Rӓcӓp Tayyip Ӓrdoğan partiyӓseneň parlament törkeme cıyılışında yasağan çığışında yaňa Töp Qanun tӓq’dimenӓ dӓ tuqtaldı.

Törkiyӓneň tӓwge tapqır grajdanlıq Konstituśiyӓse ӓzerlӓw hӓm anı çın irek şartlarında millӓtkӓ tӓq’dim itü mömkinlegenӓ ireşüen belderep, “Milli ixtıyar köçen çağıldıraçaq yaňa Töp Qanun Cömhüriyӓtebezneň 100 yıllığına bilgelӓngӓn maqsatlarğa tac bulaçaq” dide.

Ӓrdoğan barlıq sӓyӓsi partiyӓlӓrneň bu barışta qatnaşuların telӓwlӓren belderep bolay dide: “Bez aşıqmıyça, barlıq qatlawlar belӓn kiňӓşlӓşep, kilӓse ğasır ixtıyacların qanӓğӓt’lӓnderӓ torğan Töp Qanun tekstı ӓzerlӓrgӓ tiyeşbez. Ӓydӓgez, yaňa Töp Qanun (Konstituśiya) turındağı tӓq’dimnӓrebezne yıl dӓwamında ӓzerlӓp fiker alışa başlıyq”.