“Könbatış demokratiya mӓs’ӓlӓsendӓ üzen tӓnqit’lӓrgӓ tiyeş"

Törkiyӓ ilbaşı Rӓcӓp Tayyip Ӓrdoğan yullar açılışı tantanasına İstanbul Vahdettin sarayınnan turıdan - turı êfirda qatnaştı.

Ӓrdoğan üz çığışında Törkiyӓneň qalqınu, üseş asqormasın özleksez kamillӓşterülӓrenӓ basım yasap bolay dide: “Sӓlamӓtlek saqlaw xezmӓtlӓrennӓn alıp yӓrdӓm programmalarına qadӓr hӓrkem irnӓk alırlıq êşçӓnleklӓr başqarabız.”

Könbatış illӓreneň demokratiya mӓs’ӓlӓsendӓ üz - üzlӓren tӓnqit’lӓrgӓ tiyeşlegen belderüçe Ӓrdoğan süzlӓren tübӓndӓgeçӓ dӓwam itte: “Küptӓn tügel Awrupada hӓm Amerika Quşma Ştatlarında küzӓtelgӓn şaqtıy waqıyğa ilebezgӓ qarata kürsӓtelgӓn ikele  standartnı qabat açıp saldı. Törkiyӓne demokratiyӓne êşlӓtmӓwdӓ, xaq-xoquq hӓm irekne çiklӓwdӓ ğayeplӓwçelӓrneň tӓwge qurqınıç belӓn oçraşuğa nindi çaralar kürülӓren küzӓtep barabız. Terrorçılıqnıň keçkenӓ genӓ nӓticӓlӓrenӓ dӓ tüzӓ almawçılar yıllar dӓwamında bezneň terror oyışmalarına qarşı körӓşebezne totqarlarğa tırıştılar”.

Ӓrdoğan: “Könbatış üzen demokratiya mӓs’ӓlӓsendӓ tӓnqit’lӓrgӓ tiyeş. Bez üz fikerlӓrebezne ӓňgӓmӓdӓşlӓrebez belӓn barlıq xalıqara platformalarda, ayıruça Berlӓşkӓn Millӓtlӓr Oyışmasında urtaqlaşabız”,-dide.

İlbaşı: “Bez millӓtebez arasında qarşılıq urnaştırırğa tırışuçılarnıň, berdӓmlegebezgӓ yawız sӓyӓsi isӓplӓwlӓr yӓki marginal’ obsessiyӓlӓr belӓn höcüm itüçelӓrneň xıyalların hӓrwaqıt  çӓlpӓrӓmӓ kiterdek”,-dide.

Ğadel hӓm totrıqlı qıymmӓtlӓrgӓ ixtıyac bulaçağın beldergӓn Ӓrdoğan, “Bez Kovid -19 êpidemiiyӓse belӓn yaňartıluı qotılğısız bulğan global’ sӓyӓsi hӓm iq’tisadi sistema bu qısada formalaşır dip ışanabız” dip belderde.