Türksat 5A oçırtılmadı

Törkiyäneñ bişençe buın iyärçene Türksat 5Anı oçırtu kiçekterelde. Anı AQŞnıñ Florida ştatındağı Keyp Kanaveral’ bazasınnan cibärergä planlaştırğannar ide.  Oçırtunıñ kiçekterelü säbäpläre älegä belderelmäde. Ämma Törkiyä däwlät radio-televideniye kompaniyäsenä kilgän mäğ’lümatlärdä oçırtu töbägendä hawanı qalın bolıtlar qaplawı äytelä. Yasalma iyärçenneñ şul säbäple cibärelä almawı farazlana.

Türksat 5A – Törkiyä, Awrupa, Yaqın Könçığış, Afrikanıñ tön’yağı, kön’yağı häm üzäk könbatış töbäkläre, Aq diñgez, Êgey häm Qara diñgezne üz êçenä aluçı mäydanda televideniye tapşıruları häm mäğ’lümati êlemtä xezmäte kürsätäçäk.